Հոկտեմբերի 31-ին Գյումրիի քաղաքային մարզադաշտում «Շիրակն» ընդունեց ԲԿՄԱ-ին՝ Հայաստանի Պրեմիեր լիգայի 12-րդ տուրի շրջանակում։
Հայաստանի քառակի չեմպիոնները կարողացան կամային, դժվարին հաղթանակ տանել բանակայինների նկատմամբ՝ 2:1 հաշվով։
Առաջին րոպեին բանակայիններին առաջ մղեց Սուրեն Կիրակոսյանը՝ 1:0՝ հօգուտ հյուրերի։ Խաղի 25-րդ րոպեին Հարություն Մանուկյանը միտումնավոր ձեռքով խաղաց սեփական տուգանային հրապարակում և հեռացվեց խաղադաշտից։ Նշանակված 11-մետրանոցն անվրեպ իրացրեց գյումրեցիների ավագ Ռաֆիկ Միսակյանը՝ 1:1։
ԲԿՄԱ-ն մինչև 81-րդ րոպեն կարողանում էր համառ դիմադրություն ցույց տալ և պահել հաշիվը, սակայն Ռայմոնդ Ակոասի Գյամֆիի փոխանցումից հետո Մեսամբա Բամբան գլխի հարվածով հաղթանակ պարգևեց «Շիրակին»։
| Տ | Թիմեր | Խ | Հ | Ո | Պ | ԳԽ։ԳԲ | +/- | Մ |
| 1 | Նոա | 11 | 9 | 1 | 1 | 28։9 | +19 | 28 |
| 2 | Փյունիկ | 12 | 8 | 4 | 0 | 28։9 | +19 | 28 |
| 3 | Արարատ-Արմենիա | 11 | 8 | 2 | 1 | 21։10 | +11 | 26 |
| 4 | Ալաշկերտ | 11 | 6 | 4 | 1 | 25։8 | +17 | 22 |
| 5 | Սարդարապատ | 12 | 4 | 5 | 3 | 19։20 | -1 | 16 |
| 6 | Ուրարտու | 12 | 4 | 4 | 4 | 19։15 | +4 | 16 |
| 7 | Շիրակ | 12 | 4 | 3 | 6 | 14։15 | -1 | 15 |
| 8 | Վան | 12 | 3 | 3 | 7 | 12։29 | -17 | 12 |
| 9 | Արարատ | 11 | 3 | 3 | 6 | 10։18 | -8 | 12 |
| 10 | Սյունիք | 11 | 2 | 2 | 7 | 10։23 | -13 | 8 |
| 11 | ԲԿՄԱ | 12 | 2 | 2 | 8 | 10։22 | -12 | 8 |
| 12 | Գանձասար | 11 | 1 | 0 | 10 | 9։27 | -18 | 3 |
