Հոկտեմբերի 25-ին Սիսիանում «Սյունիքը» Հայաստանի Պրեմիեր լիգայի 11-րդ տուրի շրջանակներում ընդունեց ԲԿՄԱ-ին և հաղթեց 4:1 հաշվով։
Առաջինն աչքի ընկան բանակային ֆուտբոլիստները. 32-րդ րոպեին Դավիթ Հարությունյանի՝ տուգանայինից կատարած փոխանցումից հետո Ալյոշա Խաչատրյանը գրավեց «Սյունիքի» դարպասը։ Խաղի 56-րդ րոպեին Գոդսվիլ Էմանուելը հավասարացրեց հանդիպման հաշիվը՝ 1:1:
73-րդ րոպեին անչափ կոպիտ խաղի համար ԲԿՄԱ-ից հեռացվեց Արշակ Պետրոսյանը։ «Սյունիքը», ունենալով քանակական առավելություն, 84-րդ րոպեին առաջ անցավ հաշվի մեջ (2:1). գոլի հեղինակ դարձավ Վահագն Հայրապետյանը։
Խաղի հիմնական ժամանակին ավելացված 1-ին և 3-րդ րոպեներին Գոդսվիլ Էմանուելը ևս 2 գոլ խփեց՝ դառնալով հեթ-տրիկի հեղինակ և ձևակերպելով խաղի վերջնահաշիվը՝ 4:1։
Այսպիսով, «Սյունիքը» տարավ իր 2-րդ հաղթանակը ընթացիկ առաջնությունում։ Թիմն իր ակտիվում արդեն ունի 8 միավոր և, միավորներով հավասարվելով ԲԿՄԱ-ին, լրացուցիչ ցուցանիշներով շրջանցեց վերջինիս ու բարձրացավ 10-րդ հորիզոնական։
