Հայաստանի գավաթի 1/8 եզրափակիչում կայացավ երևանյան դերբի. «Փյունիկը» «Ֆրիդոմ Արենայում» ընդունեց «Արարատին»։
«Փյունիկն» ամբողջ խաղի ընթացքում ուներ տոտալ առավելություն և հասավ խոշոր՝ 6:2 հաշվով հաղթանակի։
«Փյունիկի» կազմում հեթ-տրիկի հեղինակ դարձավ թիմի կիպրացի հարձակվող Յասոնաս Պիկիսը՝ աչքի ընկնելով 20-րդ, 33-րդ և 57-րդ րոպեներին։ Աչքի ընկան նաև Իման Գրիֆիթը (6-րդ րոպե), Գևորգ Տարախչյանը (55-րդ րոպե) և Էդգար Մալաքյանը (69-րդ րոպե)։
«Արարատի» կազմում պատասխան գոլերով աչքի ընկան 62-րդ րոպեին Դիվին Ուկադիկեն և 81-րդ րոպեին Պատրիկ Հանձոգոն։
Այսպիսով՝ «Փյունիկը» կշարունակի պայքարը Հայաստանի գավաթի քառորդ եզրափակիչում։
Հիշեցնենք, որ «Փյունիկը» Հայաստանի գավաթի 8-ակի հաղթող է, բայց իր վերջին գավաթը նվաճել է 2014-2015 թվականների խաղարկությունում։
