ARMENIAN FOOTBALL - ՀԱՅԿԱԿԱՆ ՖՈՒՏԲՈԼ

"Մալագայի" ֆուտբոլիստի քիթը ջարդելու համար "Ռեալի" աստղ Քրիստիանո Ռոնալդոն կորակազրկվի 2 խաղով: Բացի այդ, Իսպանիայի ֆուտբոլի ֆեդերացիան Ռոնալդոյին "վտանգավոր" խաղալու համար տուգանել է 600 եվրոյով:

"Ռեալի" պաշտպան Սերխիո Ռամոսը իր կարծիքն է հայտնել թիմի "նորեկներ" Քրիստիանո Ռոնալդոյի և Քարիմ Բենզեմայի մասին:

-Ես ուղղակի ապշած եմ, տեսնելով, թե Ռոնալդոն ինչ լրջությամբ է վերաբերում իր աշխատանքին: Ես հիացած եմ նրա պրոֆեսիոնալությամբ: Նա մտածում է միայն իր խաղը լավացնելու և կատարելության հասցնելու մասին: Հրաշալի է, երբ թիմումդ կան ֆուտբոլիստներ, ովքեր գիտեն մրցակցել: Նրանցից շատ բաներ կարելի է սովորել: Իսկ Բենզեման ուղղակի ֆենոմեն է: Նա շատ արագ հարմարվեց թիմին, իսկ մենք ամեն կերպ օգնեցինք նրան այդ հարցում: Նա ի ծնե տաղանդավոր ռմբարկու է: Նրա հնարավորությունները անսահման են: Ես համոզված եմ, որ "Ռեալի" կազմում նա ձեռք կբերի իր լավագույն որակները,- նշել է Ռամոսը:

Բրազիլական "Սանթոս" ակումբի մամուլի խոսնակը հայտարարել է, որ իրենք մտադիր են վարձակալել "Մանչեստեր Սիթիի" հարձակվող Ռոբինիոյին:

-Մենք նախատեսում ենք, որ Ռոբինիոն "Սանթոսի" համար կդառնա շատ էժան ձեռքբերում:  Բացի այդ, մենք շատ գործընկերներ ունենք, ովքեր պատրաստ են ֆինանսական աջակցություն ցուցաբերել, քանի որ շահագրգռված են, որ Ռոբինիոն վերադառնա,- նշել է "Սանթոսի" մամուլի խոսնակը:

ՖԻՖԱ-ի նախագահ Զեպ Բլատերը Իսպանիայի վարչապետ Խոսե Լուիս Սապատերոյի հետ հանդիպման ժամանակ հայտարարել է ,որ ֆուտբոլի միջազգային ֆեդերացիան մտադիր է 2018 թվականի աշխարհի առաջնությունը անցկացնել Եվրոպայում: Տեղեկացնենք, որ թեկնածու երկրների թվում են Անգլիան, Ռուսաստանը, ինչպես նաև Հոլանդիա-Բելգիա և Իսպանիա-Պորտուգալիա զույգերը:

Մադրիդի "Ռեալի"  ղեկավարությունը կարծում է, որ կիրակի օրը կայացած "Մալագայի" դեմ խաղում մրցավարը անարդարացի վարվեց, երբ Քրիստիանո Ռոնալդոյին հեռացրեց խաղից: Հիշեցնենք, որ աշխարհի ամենաթանկ ֆուտբոլիստը կարմիր քարտ ստացավ խաղի 70-րդ րոպեին, երբ հարվածեց "Մալագայի" ֆուտբոլիստի դեմքին և ջարդեց նրա քիթը: Քրիստիանոն հայտարարել է, որ հարվածը պատահաբար է ստացվել:

"Ռեալի" կիսապաշտպան Կական մոտ ժամանակներս կվերադառնա "Միլան": Բրազիլացին, ով այդպես էլ չխաղաց արքայական թիմի հիմնական կազմում, վարձակալական հիմունքներով կվերադառնա իր նախկին թիմ: Հիշեցնենք, որ Կակայի դիմաց "Ռեալը" այս ամառ "Միլանին" վճարեց 65 միլիոն եվրո: Բայց Կական այդպես էլ չգտավ իր խաղը Իսպանիայում: Դա է վկայում միայն այն փաստը, որ անցկացրած 14 խաղերում նա խփել է ընդամենը 3 գնդակ: